Enverî'den bir gazel: N'ideyin sahn-ı çemen seyrini cananum yok

Feilâtün Feilâtün Feilâtün Feilün

N'ideyin sahn-ı çemen seyrini cânânum yok

Bir yanumca salınur serv-i hırâmânum yok

Emdürür gerçi lebin vaslına cânlar virene

Leb-i cân-bahşını emsem dimeğe cânum yok

Bağrumun başına dâğ-ı gamı odlar yakalı

Kaldum ayakda kara başuma dermânum yok

Nice da'vet ideyin ol periyi dâ'ireye

Hâtem-i la'li gibi mühr-i Süleymân'um yok

Enverî gülşen-i kûyunda figânlar eyler

Dime iy gonca-dehen bülbül-i nâlânum yok

Mürekkepçi Enverî Divanı/ C.Kurnaz -Mustafa Tatcı.

Kurnaz, Cemal, Mustafa Tatcı. Ümmî divan şairleri ve Enverî divanı. Ankara: MEB, 2001. XI,251s.