Ahmed Paşa'nı yandım elinden redifli gazeli:
1 Ey fitnesi çok kavli yalan yandım elinden
Bir nâz ile bin
gönül alan yandım elinden
2 Sen şem gibi gayr ile meclisde gülersin
Ben akıtırım yaş ile
kan yandım elinden
3 Ney gibi delindi cigerim aşkın elinden
Her dem ederim âh ü
figân yandım elinden
4 Yandı dü cihân âteş-i âhımla ve likin
Ben senin eyâ şâh-ı
cihân yandım elinden
5 Şol sundugun âteş midir ey sâki bana kim
Sen aldın ele câm
hemân yandım elinden
6 Her hâr ile sen sohbet edersin dün ü gün ben
Derdin ederim
münis-i cân yandım elinden
7 Ahmed çeke cevrini ve lûtfun göre agyâr
Ey şefkati az şâh-ı
cihân yandım elinden
Ahmed Paşa'nın en çok nazire yazılan şiirlerinden gönül redifli şiiri:
I
1 Gül yüzünde göreli zülf-i senem-sây gönül
Kuru sevdâda yeler bî-ser ü pây gönül
2 Demedim mi sana dilaşma ana hay gönül
Vay gönül vay bu gönül vay gönül ey vay gönül
II
1 Çîn-i zülfünden umar nâfe-i hoş-bûy murâd
Bu hevâ yoluna yıllarla yeler niteki bâd
2 Ol dahi sencileyin etmedi ben hastayı yâd
Vay gönül vay bu gönül vay gönül ey vay gönül
III
1 Bizi hâk etti hevâ yoluna sevdâ nidelim
Pây-mâl eyledi bu zülf-i semen-sâ nidelim
2 Kul edinmezdi güzeller bizi illâ nidelim
Vay gönül vay bu gönül vay gönül ey vay gönül
VI
1 Felegin nûş ederim nîşini sâgarlar ile
Dogradı hâr-ı cefâ bagrımı hançerler ile
2 Baş koşam demez idim ben dahi dil-berler
Vay gönül vay bu gönül vay gönül ey vay gönül
V
1 Yarım itten çok uyar ardına agyar dirig
Bize yâr olmadı ol şûh-ı sitem-kâr dirig
2 Kıldı bir dil-ber-i her-câyiyi dil-dâr dirig
Vay gönül vay bu gönül vay gönül ey vay gönül
VI
1 Ben demezdim ki hevâ yoluna ser-bâz gelem
Ney-i aşkınla gamın çengine dem-sâz gelem
2 Derdim aşk kopuzun uşadam vâz gelem
Vay gönül vay bu gönül vay gönül ey vay gönül
VII
1 Dil dilerken yüzünün vaslını cândan dahi yig
Bir demin görür iken iki cihândan dahi yig
2 Aktı bir serve dahi âb-ı revândan dahi yig
Vay gönül vay bu gönül vay gönül ey vay gönül
VIII
1 Dest-i kûtâhıma baş egmedin ey serv-i dırâz
K’ola şekker lebine tûti-i dil mahrem-i râz
2 Vâz geldim ben eger gelse bu gönül dahi vâz
Vay gönül vay bu gönül vay gönül ey vay gönül
IX
1 Ahmed’im kim okunur namım ile nâme-i aşk
Germdir sözlerimin sûziyle hengâme-i aşk
2 Dil elinden biçiliptir boyuma câme-i aşk
Ahmed Paşa'nın Kerem Kasidesi olarak bilinen kerem redifli kasidesi:
Der Medh-i
Sultan Mehmed Han
1- Ey muhît-i keremin katresi umman-ı kerem
Bâg-ı cud
ebr-i kefinden dolu bârân-ı kerem
2- Matla'-ı subh-ı zafer mihr-i zekâ ebr-i hayâ
Felek-i izz
ü ala dâver-i devrânı kerem
3- Tâc-bahş-ı ser-i sultân-ı salâtin-i cihân
Zînet-İ
taht ü nigin Hazret-i Sultân-ı kerem
4- Zıll-ı Hak Şah Muhammed ki eşigi gögünün
Kem-terîn
ılduzı olur meh-i tâbân-ı kerem
5- Ayagı topragıdır cevher-i iksîr-i hayât
Âsitânı
tozudur sürme-i a'yan-ı kerem
6- Açılır hulku nesîmiyle güI-i gülşen-i cûd
Bezenir lutfu
zülâliyle gülistân-ı kerem
7- Bahr-ı Ahzar ne durur kulzüm-i cûdunda habâb
Katre-i feyzi
nedir ebr-i dür-efşân-ı kerem
8- Bî-kıyâs olalı ihsânların ey hüccet-i cûd
Kâtî oldu
cedel-i hasmını bürhân-ı kerem
9- Kefi bir demde nisâr ettigi gencin öşrün
Haşre dek vezn
edemez keffe-i mîzân-ı kerem
10- Ne melek-hûy meliksin dem-i lutfun ile
Kevseri cûd
akıtır ravza-ı Rıdvân-ı kerem
11- Ne kerâmet kodu Hak zât-ı kerîminde k'olur
Ayagın
bastıgı yer Çeşme-i Hayvân-ı kerem
12- Bulmasa nâm-ı şerîfinle şeref nâme-i cûd
Ebter olaydı
kamu defter ü dîvân-ı kerem
13- Gün gibi saltanatın topu göge agsa ne tan
Sana sunuldu
bu meydânda çü çevgân-ı kerem
14- Bahr-ı cûdun nice şerh ola k'anun reşhasıdır
Hâsıl-ı kân-ı
sehâ mâye-i ummân-ı kerem
15- Saltanat hıI'atini kaddine hayyât-ı felek
Râst biçmese
açılmazdı girîbân-ı kerem
16- Ne kadar zer var ise dest-i zer-efşânın ile
Harf-i zer
gibi perâkendedir ey kân-ı kerem
17- Sîm sûrette sitem
şekline yazıldıgıyçin
Dagıtırsın anu duşman gıbı ey hân-ı kerem
18- Gök tenûrunda kuru kurs okunur mihr ile mâh
Hân-ı
lutfunla firâvân olalı nân-ı kerem
19- Kâse-i hırs doyar
sofra-İ ihsânından
Dest-i
in'amın ile âm olalı hân-ı kerem
20- Mihr-i cûdun çemen-i Iûtfa zer-efşân olalı
Gülşen-i
dehri bezer nergîs-i bostân-ı kerem
21- Bûy-i hulkundan urur müşg gibi dem ki tutar
Hôş revâhiyle cihân bagını reyhânı kerem
22- Ahmed'in gam makası
kesdi dilin şem' gibi
Sana rûşen diyemez hâlini sultân-ı kerem
23- Sen Süleymânı ne dille
öge bir mûr-ı za'if
Getire nutka meger lûtfun ile anı kerem
24- Husrevâ pâreledi cevr eli sabrım yakasın
Dest-gîr
olsa demidir bana dâmân-ı kerem
25- Midhatın bülbülünü gam kafesinde koma kim
Hayfdır
tûtîye zehr ey şekeristân-ı kerem
26- Ekremü'l-halksın ey vâsıta-i ıkd-ı kirâm
Her
le’imin sözün işitme budur şân-ı kerem
27- Kul hatâ kılsa nola afv-i şehenşâh kanı
Tutalım iki elim kanda imiş kanı kerem
28- Umarım cürmümü gark etmege rahmet suyuna
Mevc-i ihsânın
ile cûş ede ummân-ı kerem
29- Bir kara topragım ihyâ-yi memât etmek için
Yagsa cûdun
bulutundan nola nisân-ı kerem
30- Nice k’iklim-i
mürüvvette geçe hükm-i vefâ
Nice k'eyvan-ı atâda dura divân-ı kerem
31- Nice k’insân ola
âlemde âbidü’l-ihsân
Nice kim ola cihân tâbi-i fermân-ı kerem
32- Dest-i ihsânın
ile yapıla bünyâd-ı sehâ
Pâye ile
kadrin yücele eyvân-ı kerem
33- Nice kim Kâ’be
müsâfirlerini lûtf-ı ilah
Rahmet-i
hânıa her sâl ede mihmân-ı kerem
34- Iyd-ı
ferhundene kurbân ede a’dânı felek
Sen ahibbân
buyur âb-ı sehâ nân-ı kerem
35- Ömr-i hasmın
ere târih gib pâyâna
Nâmını nâme-i ikbâl ede unvân-ı kerem
Ahmed Paşa'nın kerem redifli başka bir kasidesi:
1- Yine ıyd oldu bu gün erdi çü devrân-ı kerem
Zevk u ayş et
yine hurrem olup ey kân-ı kerem
2- Dest-i cûdunla senin âm olalı ihsânın
Kapına geldi
umar âb-ı sehâ nân-ı kerem
3- Cûdunun katresidır kulzüm-i zehhâr-ı necât
Lûtfunun zerresidir
ebr-i dür-efşân-ı kerem
4- Nazar-ı merhametin cevher-i iksîr-i hayât
Âsitânın tozudur
mihr-i dırahşân-ı kerem
5- Yine cûdunla biter verd-i gülistân-ı atâ
Yine sözünle
olur meyve bostân-ı kerem
6- Açılır hulkun ile bu gül-i gül-zâr-ı kemâl
Salınır lûtfun
ile yine bu atşân-ı kerem
7- Tûtî-i nutkuna lâyık şekeristân-ı makâl
Bülbül-i
tab'ınâ layık bu gülistan-ı kerem
8- İlmin ile okunur nusha-i devrân-ı ulûm
Adlin ile yazılr
defter ü divân-ı kerem
9- Olmaya zât-ı şerîfin gibi bir cism-i lâtif
Gelmeye rûh-ı
azizin gibi bir kân-ı kerem
10- Ya'ni kim Âsaf-ı devrân mu'in-i fuzala
K'ayagı
topragıdır sürme-i a'yân-ı kerem
11- Matla' -ı şems-i hayâ mecma'-ı envâr-ı atâ
Menba-ı cûd u
sehâ mâye-i ummân-ı kerem
12- Merkez-i sıdk u safâ da'ire-i nokta-i cûd
Kâti-i hıkd u
hased hüccet-i burhân-ı kerem
13- Zulmet-i fakrın içinde kalana göster yol
Matla'ından
dogıcak bu meh-i tâbân-ı kerem
14- Ne Mesihâ-dem olursan ki dem-i lûtfun ile
Kevser-i cân
akıtır ravza-i Rıdvân-ı kerem
15- Yâ dehânında senin için ne kerâmet kodu Hak
Teşne-i cûda
olur Çeşme-i Hayvân-ı kerem
16- Acebâ zât-ı
kerîmin ne kerâmet kodu kim
Basdıgın yerler olur ucdan uca kân-ı
kerem
17- Bu felek yazmasa
nushandan eger nâmesini
Yanlış olaydı kamu defter ü divân-ı
kerem
18- Sana biçti yine bir hıl'ati hayyât-ı cihân
Kim anun
dâmeni cûd oldu giribânı kerem
19- Bahr-i cûdunda atâ zevrakına yelken urup
Bâd-ı
lûtfunla bu gün gezdirir uş anı kerem
20- Ebr-i feyzinden erer her yana bâran-ı sehâ
Havz-ı
cûdundan olur dopdolu kîzân-ı kerem
21- Nola gül-zâr ola tab'ım bite medhin gülü kim
Ebr-i
cûdunla yagar çün bana nisân-ı kerem
22- Şem-veş bezm-i kemâlinde yanar rişte-i dil
Nola
rüşen der isem medhini sultân-ı kerem
23- Kullarız hâlimiz anlatmaya geldik kapıya
İntizârız ki icâzet vere sultân-ı kerem
24- Husrevâ pâdişehâ cûdunu dil şerh edemez
Gerçi
medhinle dolar defter ü divân-ı kerem
25- Âsitin-i kerîminden pür olur dâmen-i çarh
Âsitânında açıldıkça girîbân-ı kerem
26- Dür ü gevher saçılır katre-i bârân yerine
Çünkü
cûdun buludundan yaga nisân-ı kerem
27- Kimyâ oldu kamu ehl-i sehânın nazarı
Olalı
hak-i derin sürme-i a'yan-ı kerem
28- Himmetin haylı sehâ mülküne kıldıkça nüzûl
Çünkü her
gûşe-i haymen ola meydân-ı kerem
29- N'için iflâsım ola mûcib-i taklîl-i atâ
N'için
ihlâsım ola bâ'is-i hirmân-ı kerem
30- Ne revâdır ki cihân lûtfuna gark olmuş iken
Kapı kapı
dolanam bulamayam nân-ı kerem
31- Nice bir gülmeye bu gonca-i gül-zâr-ı ümid
Bezenirken
dem-i lûtfunla gülistân-ı kerem
32- Su batırmaz utanır kendi mürebbâlarını
Beni n'için
batıra gussâya ummân-ı kerem
33- Beni hâr eyleme
çün izzeti sen vermiş idin
Lûtfuna olma
perişân ki budur şân-ı kerem
34- Hâric-i merkez
ü hadd oldu çü üftâdeligim
Demidir
merhamet et var ise imkân-ı kerem
35- Ne kerem
ola ki maglûbb edine anı günâh
Ne
güneh var ki zebûn eyleyemez anı kerem
36- Tutmuşuz çünkü hâcâlet yüzüne özr etegin
Ayb-pûş
olsa ba'îd olmaya dâmân-ı kerem
37- Âmdır lûtfun eger bizde liyâkat yok ise
Layık et
lûtfun ile lûtfuna ey kân-ı kerem
38- Nola ger yâd edesin Ahmed'i bir lûtfun ile
Gerçi
lâyık degilim sana budur şân-ı kerem
39- Ehl-i fazlın bilinir kadri senin kapında
Hazretin alsa eline yine mizân-ı kerem
40- Şeker-i midhatının tûtîsi çok gerçi şehâ
Görme her tûtîyi bir ey şekeristân-ı
kerem
41- Şeref adınla bula nâme-i ikbâl ü atâ
Cûdun
ile yazıla defter ü divân-ı kerem
42- Yer ü gök medhin okusun sen otur devlet ile
Âsumân
tahtın ola menzilin eyvân-ı kerem
Kaynak:
AHMED PAŞA DİVANI
Ali Nihat Tarlan Akçağ Yayınevi Ankara 1992
Hiç yorum yok:
Yorum Gönder
Yorumlarınızı bekliyoruz.