Murabba ve Murabba Örneği

 

Murabba, Bentlerle Kurulan Divan Edebiyatı Nazım Şekli'dir. Dörtlüklerle yazılır. Kafiye şeması aaaa, bbba, ccca ...şeklinde olur. Şarkı nazım şekliyle benzerlikler gösterir.

Murabba Örneği (Ahmet Paşa)

 

I. BENT

Gül yüzünde göreli zülf-i senem-sây gönül

Kuru sevdâda yeler bî-ser ü pây gönül

Demedim mi sana dilaşma ana hay gönül

Vay gönül vay bu gönül vay gönül ey vay gönül

 

II. BENT

Çîn-i zülfünden umar nâfe-i hoş-bûy murâd

Bu hevâ yoluna yıllarla yeler niteki bâd

Ol dahi sencileyin  etmedi ben hastayı yâd

Vay gönül vay bu gönül vay gönül ey vay gönül

 

III. BENT

Bizi hâk etti hevâ yoluna sevdâ nidelim

Pây-mâl eyledi bu zülf-i semen-sâ nidelim

Kul edinmezdi güzeller bizi illâ nidelim

Vay gönül vay bu gönül vay gönül ey vay gönül

 

VI. BENT

Felegin nûş ederim nîşini sâgarlar ile

Dogradı hâr-ı cefâ bagrımı hançerler ile

Baş koşam demez idim ben dahi dil-berler

Vay gönül vay bu gönül vay gönül ey vay gönül

 

V. BENT

Yarım itten çok uyar ardına agyar dirig

Bize yâr olmadı ol şûh-ı sitem-kâr dirig

Kıldı bir dil-ber-i her-câyiyi dil-dâr dirig

Vay gönül vay bu gönül vay gönül ey vay gönül

 

VI. BENT

Ben demezdim ki hevâ yoluna ser-bâz gelem

Ney-i aşkınla gamın çengine dem-sâz gelem

Derdim aşk kopuzun uşadam vâz gelem

Vay gönül vay bu gönül vay gönül ey vay gönül

 

VII. BENT

Dil dilerken yüzünün vaslını cândan dahi yig

Bir demin görür iken iki cihândan dahi yig

Aktı bir serve dahi âb-ı revândan dahi yig

Vay gönül vay bu gönül vay gönül ey vay gönül

 

VIII. BENT

Dest-i kûtâhıma baş egmedin ey serv-i dırâz

K’ola şekker lebine tûti-i dil mahrem-i râz

Vâz geldim ben eger gelse bu gönül dahi vâz

Vay gönül vay bu gönül vay gönül ey vay gönül

 

IX. BENT

Ahmed’im kim okunur namım ile nâme-i aşk

Germdir sözlerimin sûziyle hengâme-i aşk

Dil elinden biçiliptir boyuma câme-i aşk

Vay gönül vay bu gönül vay gönül ey vay gönül

Bir başka murabba örneği (Fevri)

MURABBA

1

Hikmet ile cümle ‘âlem halkı ger Lokmân ola

Yel dem-i ‘Îsâ ola su çeşm-i hayvân ola

Derdlere dermân ola tenler ser-â-ser cân ola

Ne bite yaram benüm ne derdüme dermân ola

2

Lâ’l-i dilber gibi şerbetler ki rûh-efzâ ola

Merhemin hâssiyeti hem mu’ciz-i ‘Îsâ ola

Her tabîbün şânı bin bin mürdeler ihyâ ola

Ne bite yaram benüm ne derdüme dermân ola

3  

Âb-ı hayvân ile Eflâtûn sunarsa şerbeti

Ger ‘ilâcumda çeke bin bin Aristo zahmeti

Merhem ü ma’cûna sarf etse fünûn-ı hikmeti

Ne bite yaram benüm ne derdüme dermân ola

4  

Sîne sad-pâre ciğer mecrûh bağrum çâk çâk

Dil figâr u ten za’îf u zâr hâlüm sûz-nâk

Derdümün binde biri yüz bin tabîb eyler helâk

Ne bite yaram benüm ne derdüme dermân ola

5  

Penbe-i dâğ ile dönsem gülsitâna Fevrî ben 

Mâr-püşt olsa fetîl-i zahm-ı tîr ile beden

Ser habâb-ı âb-ı hayvân olsa ve gird-âb ten

Ne bite yaram benüm ne derdüme dermân ola